திங்கட்கிழமை, ஜனவரி 18, 2021
Home ஒலிம்பிக்ஸ் 2020 சீனாவை மிரட்டும் கொரோனா வைரசால் ஒலிம்பிக் தகுதிச்சுற்று போட்டிகள் ரத்து

சீனாவை மிரட்டும் கொரோனா வைரசால் ஒலிம்பிக் தகுதிச்சுற்று போட்டிகள் ரத்து

வைரஸ் தாக்குதலால் வுஹான் நகரத்தில் அசாதாரண சூழ்நிலை நிலவுவதால், பிப்ரவரி 3-ம் தேதி முதல் 15-ம் தேதி வரை நடக்க இருந்த குத்துச்சண்டை தகுதிச்சுற்று போட்டிகளை ரத்து செய்துள்ளதாக சர்வதேச ஒலிம்பிக் அமைப்பு அறிவித்துள்ளது.

ஜப்பான் தலைநகர் டோக்கியோவில் வரும் ஜூலை 24-ம் தேதி முதல் ஒலிம்பிக் போட்டிகள் நடக்க உள்ளன. இதற்கான தகுதிச்சுற்று போட்டிகள் உலகின் வெவ்வேறு நாடுகளில் நடைபெற்ற வருகிறது. இந்நிலையில், சீனாவை மிரட்டும் கொரோனா வைரசால் ஒலிம்பிக் தகுதிச்சுற்று போட்டிகள் ரத்து செய்யப்பட்டுள்ளது.

சீனாவில் உள்ள வுஹான் நகரத்தில் ‘கெரோனா’ வைரஸ் பரவு வருகிறது. இந்த வைரஸ் நோய் தாக்குதலுக்கு இதுவரை 17 பேர் உயிரிழந்துள்ளனர், 500-க்கும் மேற்பட்டோர் உடல் நலம் பாதிக்கப்பட்டுள்ளனர். கிட்டத்தட்ட 10 மில்லியன் மக்கள் வாழும் இந்நகரில் பொது வாகங்கள் இயக்கம் நிறுத்தி வைக்கப்பட்டுள்ளது. மேலும், வுஹான் நகரத்துக்கும் வெளிநாடுகளுக்கும் இருக்கும் விமான போக்குவரத்து முடங்கியுள்ளது.

2020 ஒலிம்பிக்

வைரஸ் தாக்குதலால் வுஹான் நகரத்தில் அசாதாரண சூழ்நிலை நிலவுவதால், பிப்ரவரி 3-ம் தேதி முதல் 15-ம் தேதி வரை நடக்க இருந்த குத்துச்சண்டை தகுதிச்சுற்று போட்டிகளை ரத்து செய்துள்ளதாக சர்வதேச ஒலிம்பிக் அமைப்பு அறிவித்துள்ளது. நோய் பரவும் அபாயம் உள்ளதால், 2020 ஒலிம்பிக் தகுதிச்சுற்று போட்டிகளை வுஹான் நகரத்தில் நடத்த இயலாது என அறிவித்துள்ளது.

இந்நிலையில், ரத்து செய்யப்பட்ட குத்துச்சண்டை தகுதிச்சுற்று போட்டிகளை இந்தியாவில் நடத்த இந்திய குத்துச்சண்டை ஆணையம் முன்வந்துள்ளது. இது குறித்து பேசியுள்ள இந்திய குத்துச்சண்டை ஆணையத்தின் தலைவர் அஜய் சிங் கூறியதாவது, “ரத்து செய்யப்பட்ட ஒலிம்பிக் தொடருக்கான குத்துச்சண்டை தகுதிச்சுற்று போட்டிகளை இந்தியாவில் நடத்த அனுமதி தந்தால், அதை ஏற்று நடத்த நாங்கள் தயார். புதுடில்லியில் உள்ள இந்திரா காந்தி மைதான வளாகத்தின் கே.டி ஜாதவ் உள்விளையாட்டு அரங்கில் போட்டிகளை நடத்த அனுமதி கேட்போம். இங்கேதான் 2018-ம் ஆண்டில் ஏ.ஐ.பி.ஏ எலைட் மகளிருக்கான உலக குத்துச்சண்டை சாம்பியன்ஷிப் நடைபெற்றது. எனவே இந்தியாவில் நடத்த அனுமதி அளிக்குமாறு சர்வதேச ஒலிம்பிக் சங்கத்திடம் கோரிக்கை வைத்துள்ளோம்” என்றார்

அஜய் சிங்கின் இந்த யோசனைக்கு இந்திய ஒலிம்பிக் சங்கம் வரவேற்பு அளித்துள்ளது.

பிரிஸ்பேனில் 2003ல் ஆஸி.யை வெளுத்து வாங்கிய கங்குலியை போல் நாளை யார் செய்வார்?

சவுரவ் கங்குலி
ஆஸ்திரேலியா-இந்தியா அணிகள் இடையேயான நான்காவது டெஸ்ட் போட்டி பிரிஸ்பேனில் நடைபெற்று வருகிறது. இந்தப் போட்டியில் டாஸ் வென்று முதலில் ஆடிய ஆஸ்திரேலிய அணி முதல் இன்னிங்ஸில் 369 ரன்கள் எடுத்து ஆட்டமிழந்தது. இதனைத் தொடர்ந்து களமிறங்கிய இந்திய அணி இரண்டாம் நாள் ஆட்டநேர முடிவில் 2 விக்கெட் இழப்பிற்கு 62 ரன்கள் எடுத்துள்ளது. பிரிஸ்பேன் மைதானம் எப்போதும் ஆஸ்திரேலிய அணியின் கோட்டையாக இருந்துள்ளது....