துபாய் டென்னிஸ் சாம்பியன்ஷிப்: முதல் சுற்றில் தோல்வி... பிரஜ்னேஷ் ஏமாற்றம்

துபாய் டென்னிஸ் சாம்பியன்ஷிப் போட்டிகள் பிப்ரவரி 24-ம் தேதி தொடங்கியது, இரண்டாவது நாளான இன்று, இந்திய வீரர் பிரஜ்னேஷ் குணேஸ்வரன் போட்டியிட்டார்.

ஆண்கள் ஒற்றையர் பிரிவில், ஆஸ்திரியாவின் டென்னிஸ் நோவக் - பிரஜ்னேஷ் மோதினர். இந்த போட்டியில் 6-4, 6-3 என்ற நேர் செட் கணக்கில் பிரஜ்னேஷ் தோல்வியடைந்தார். இதனால், துபாய் டென்னிஸ் சாம்பியன்ஷிப் தொடரில் இருந்து வெளியேறினார்.

வைல்டு - கார்டு வாய்ப்பு மூலமாக இந்த போட்டியில் பங்கேற்க தேர்ச்சி பெற்றிருந்த பிரஜ்னேஷ், முதல் சுற்றிலேயே வெளியேறியுள்ளது இந்திய டென்னிஸ் ரசிகர்களிடையே ஏமாற்றத்தை அளித்துள்ளது

இதே தொடரின் ஆண்கள் இரட்டையர் பிரிவு போட்டியில், இந்தியாவின் லியாண்டர் பயஸ் போட்டியிட்டார். இவான் டோடிக் மற்றும் ஃபிலிப் போலசெக் - மேத்யூ எப்டனுடன் மற்றும் பயஸ் ஜோடி மோதியது. ஆட்டத்தின் முடிவில் 6-4, 6-3 என்ற புள்ளி கணக்கில் எளிதாக போட்டியை வென்ற எப்டன் - பயஸ் இணை காலிறுதிக்கு முன்னேறியுள்ளது.