திங்கட்கிழமை, மார்ச் 1, 2021
Home அண்மை செய்திகள் கமலா ஹாரிஸிற்கு 'மேடம் விபி' என்ற ஜெர்ஸியை வழங்கிய கூடைப்பந்து அணி!

கமலா ஹாரிஸிற்கு ‘மேடம் விபி’ என்ற ஜெர்ஸியை வழங்கிய கூடைப்பந்து அணி!

அமெரிக்காவின் முதல் பெண் துணை அதிபராக இந்திய வம்சாவளியைச் சேர்ந்த கமலா ஹாரிஸிற்க்கு ஒரு கூடைப்பந்து அணி பெரிய கௌரவும் செய்துள்ளது.

அமெரிக்காவின் முதல் பெண் துணை அதிபராக இந்திய வம்சாவளியைச் சேர்ந்த கமலா ஹாரிஸ் நேற்று பதவியேற்று கொண்டார். கமலா ஹாரிஸின் பூர்வீகம் திருவாரூர் மாவட்டம், மன்னார்குடி அருகே உள்ள துளசேந்திரபுரம் கிராமமாகும். சுதந்திர அமெரிக்க வரலாற்றில் பெண் ஒருவர் செனட் சபையை நடத்தப்போவது இதுவே முதல் முறையாகும். இப்படிப்பட்ட சிறப்பு மிகுந்த சாதனையை புரிந்துள்ள கமலா ஹாரிஸிற்க்கு ஒரு கூடைப்பந்து அணி பெரிய கௌரவும் செய்துள்ளது.

அமெரிக்காவின் 49 ஆவது துணை அதிபராக கமலா ஹாரிஸ் பதவியேற்றுள்ளார். இதனை நினைவுகூரும் வகையில், அமெரிக்காவின் என்பிஏ கூடைப்பந்து அணியான கோல்டன் ஸ்டேட் வாரியர்ஸ், இவருக்கு 49 என்ற எண் மற்றும் “மேடம் விபி” என்று பதிக்கப்பட்ட ஜெர்ஸியை வழங்கியுள்ளது.

இவர் அமெரிக்காவின் ஓக்லாண்ட் பகுதியைச் சேர்ந்தவர். அந்தப் பகுதியை மையமாக கொண்டு தான், கோல்டன் ஸ்டேட் வாரியர்ஸ் அணி 1971 முதல் 2019 வரை என்பிஏ தொடரில் விளையாடி வந்தது. வாரியர்ஸின் நட்சத்திர வீரர் ஸ்டீபன் கரியும் ஹாரிஸிற்கு வாழ்த்து தெரிவித்துள்ளார்.

கூடைப்பந்து அணியின் இந்த நெகிழ்ச்சியான செயல் குறித்து கமலா ஹாரிஸ், “நான் இந்த ஜெர்ஸியை மிகவும் பெருமையுடன் வெள்ளை மாளிகையில் வைப்பேன். வாரியர்ஸ் அணி எப்போதும் எனக்கு மிகுந்த மகிழ்ச்சியை கொடுத்துள்ளது. நான் ஓக்லாண்டின் மகள் என்று சொல்வதில் பெருமை அடைகிறேன்” எனத் தெரிவித்துள்ளார்.

மேலும் படிக்க: 25 ஆண்டுகளுக்கு முன்பாக கின்னஸ் சாதனைப் படைத்த குற்றாலீஸ்வரன் நீச்சல் விளையாட்டை விட்டது ஏன்?

அரசியல் களத்தில் குதிக்கும் கிரிக்கெட் வீரர் மனோஜ் திவாரி!

மேற்கு வங்காளத்தின் ஹெளரா மாநிலத்தைச் சேர்ந்தவர் மனோஜ் திவாரி. இவர் 2008-ஆம் ஆண்டு இந்தியாவிற்காக விளையாட தொடங்கினார். இவரின் அதிரடியான ஆட்டத்திற்காக பல இந்தியர்களின் பாராட்டைப் பெற்றவர். ஆனால் தொடர் காயம் காரணமாக இவர் இந்திய அணியில் தொடர்ந்து இடம் பிடிக்கவில்லை. சமீபத்தில் இயற்றப்பட்ட வேளாண் சட்டத்தை எதிர்த்து பஞ்சாப் விவசாயிகள் டெல்லியில் போராடி வருகின்றனர். இந்த போராட்டத்திற்கு ஆதரவாக வெளிநாட்டு பிரபலங்கள்...