பிரீமியர் பேட்மிண்டன் லீக் போட்டிகள் சென்னை, லக்னோவை தொடர்ந்து ஹைதராபாத்தில்
நடைபெற்று வருகிறது. ஏற்கனவே, சென்னை சூப்பர் ஸ்டார்ஸ், நார்த் ஈஸ்டர்ன் வாரியர்ஸ்
அணிகள் அரை இறுதிக்கு முன்னேறிவிட்டன. ஜி.எம்.சி பாலயோகி உள்விளையாட்டு அரங்கில்
நடந்த இன்றைய போட்டியில் ஹைதராபாத் ஹண்டர்ஸ் - பூனே 7 ஏஸஸ் அணிகள் மோதின
முதலில் தொடங்கிய ஆண்களுக்கான இரட்டையர் பிரிவு போட்டியில், வழக்கம்போல
பூனேவின் சிராக் செட்டி - செட்டியாவான் இணை அசத்தல் வெற்றி பெற்றது. 12-15, 9-15
என்ற நேர் செட் கணக்கில் ஹைதராபாத்தின் லேன் - வெண்டி இணையை தோற்கடித்தது
அடுத்து நடந்த ஆண்களுக்கான ஒற்றையர் பிரிவு போட்டியில், ஹைதராபாத்தின் ராஜாவத்
போராடி தோற்றார். பூனேவின் மஞ்சுநாத்துக்கு எதிரான போட்டியில் 11-15, 15-11, 13-15
என்ற செட் கணக்கில் ராஜாவத் தோல்வியடைந்தார்
இதனைத் தொடர்ந்து பெண்களுக்கான ஒற்றையர் பிரிவு போட்டி நடந்தது. இந்த
போட்டியில் 15-7, 15-8 என்ற நேர் செட் கணக்கில் பூனேவின் ரித்துபர்னா தாஸை சிந்து
வென்றார்.
கலப்பு இரட்டையர் பிரிவில் பெரிதும் எதிர்பார்க்கப்பட்ட பூனேவின் அட்காக் இணை இன்று ஏமாற்றம் அளித்தது. ஹைதராபாத்தின் இவானோவ் - என்.எஸ் ரெட்டி 15-9, 11-15, 15-8 என்ற செட் கணக்கில் போட்டியை வென்றது
கடைசியாக நடந்த மற்றுமொரு ஆண்கள் ஒற்றையர் பிரிவு போட்டியில், பூனேவின் லோஹ்,
14-15, 10-15 என்ற நேர் செட் கணக்கில் ஹைதராபாத்தின் சவுரப் வெர்வாமை வென்றார்
இதனால் ஐந்து போட்டிகளின் முடிவில் 1-2 என்ற புள்ளிக்கணக்கில் பூனே 7 ஏஸஸ்
வென்றது. இதன் மூலம், பூனே அணியின் அரை இறுதி வாய்ப்பு உறுதியாகியுள்ளது. கடந்த
சீசனில் அரை இறுதி வரை முன்னேறிய சிந்துவின் ஹைதராபாத் ஹண்டர்ஸ் இந்த சீசனில்
நாக்-அவுட் சுற்றில் வெளியேறியுள்ளது
நாளை நடக்க இருக்கும் கடைசி லீக் போட்டியில் அவாதி வாரியர்ஸ் - நடப்பு
சாம்பியன் பெங்களூரு ரப்டர்ஸ் மோத உள்ளனர். இந்த போட்டியை பொறுத்தே 2020 பிரீமியர்
பேட்மிண்டன் லீகின் அரை இறுதிக்குள் நுழையப்போகும் நான்காவது அணி எது என்பது
தெரியும்.