இத்தாலியன் ஓபன்: முதல்நிலை ஜோடியை தோற்கடித்து அரையிறுதிக்கு முன்னேறிய போபண்ணா இணை

இத்தாலியன் ஓபன் டென்னிஸ் தொடர் தற்போது நடைபெற்று வருகிறது. இதில் ஆடவர் இரட்டையர் பிரிவில் இந்தியாவின் ரோகன் போபண்ணா பங்கேற்றுள்ளார். இவர் கனடாவின் ஷப்வலோவுடன் இணைந்து விளையாடிகிறார்.

இந்தத் தொடரில் முதல் போட்டியில் போபண்ணா-ஷப்வலோவ் இணை 6-4,6-4 என்ற கணக்கில் கரின்-பேல்லா ஜோடியை தோற்கடித்தது. இதனைத் தொடர்ந்து இன்று நடைபெற்ற இரண்டாவது போட்டியில் முதல்நிலை ஜோடியான கோலம்பியாவின் ராபர்ட் ஃபரா- ஜூவன் கெபல் ஜோடியை எதிர்த்து போபண்ணா இணை களமிறங்கியது.

இந்தப் போட்டியின் முதல் செட்டில் சிறப்பாக விளையாடிய போபண்ணா ஜோடி 6-3 என்ற கணக்கில் கைப்பற்றியது. இதனைத் தொடர்ந்து இரண்டாவது சுற்றில் முதல்நிலை ஜோடி சுதாரித்து கொண்டு விளையாடியது. ஃபரா-கெபல் ஜோடி 6-3 என்ற கணக்கில் இரண்டாவது சுற்றை வென்றது.

இதனால் போட்டியின் வெற்றியாளரை தீர்மானிக்க டைபிரேக்கர் சுற்று நடத்தப்பட்டது. இதில் சிறப்பான ஆட்டத்தை வெளிப்படுத்திய போபண்ணா ஜோடி 10-5 என்ற கணக்கில் வென்றது. அத்துடன் 6-3,3-6,10-5 என்ற கணக்கில் தொடரின் முதல்நிலை ஜோடியை தோற்கடித்து காலிறுதிக்கு முன்னேறியுள்ளது.

நாளை நடைபெற உள்ள காலிறுதிப் போட்டியில் பிரான்சு நாட்டின் சார்டி-மார்டின் ஜோடியை எதிர்த்து போபண்ணா-ஷப்வலோவ் ஜோடி விளையாட உள்ளது குறிப்பிடத்தக்கது.

மேலும் படிக்க: தனது 59ஆவது வயதில் முதல் செஸ் சாம்பியன் பட்டத்தை வென்று சாதித்த முதியவர்